Patay ang 31 anyos nga si Arian Mark Salaver ukon alyas Jokjok matapos siya gin sulong sang mga armado kag gin tiro sa Purok Cabacauan sa Barangay Villamonte kahapon.
Suno kay Major Ritchie Gohee, hepe sang Police Station 4, naga tindog lang si Salaver sa gwa sang ila balay sang siya ang gin palapitan sang mga armado kag gin tiro.
Nag tinguha pa mag paalgyo suno sa pulis si Salaver ugaling na corner ini kag liwat nga gin luthang tubtob mapatay.
Gina bulubanta 12 ka mga armado ang nag tira sa biktima suno kay Gohee.
Isa sa ila gina tan-aw nga rason nga ang iya man mga upod sa grupo amo ang nag patay sa iya.
Dugang pa ni Gohee, nagpadulong pa si salaver pagkasunod nga adlaw sa ginatiniran nga balay ni Aki Cuadra kun sa diin sila gin pang abduct, kag nag kuha pa siya didto sang iya mga kagamitan.
Right hand ni Cuadra si Salaver suno kay Gohee.
Isa man sa gina tan-aw nga angulo sang PNP amo nga gin balusan man si Salaver bangud man sang iya mga kaso. Si Salaver ang sadto na nga na preso bangud sang kaso angut sa iligal nga droga kag may kaso man nga robbery holdup kag siya ang gin reklamo man sa pag pamuno kag pag paniro.
Padayon ang imbestigasyon karon sang PNP angut sa pag patay sa iya.