Isa na lang ka vaccination center ang maga operate sa Bacolod City sa Enero 3.
Sadto gina dagsa sang mga nagapabakuna ang sulod sang convention center sa Sm City Bacolod sa Reclamation area.
Pero karon sa magamay na lang nga corner naga operate ang vaccination center sang Emergency Operation Center bangud madiutay naman lang ang nagapabakuna.
Sa record sang EOC naga average sa masobra singkwenta ang nagapabakuna para sa first kag second booster shot.
Gani ginsiling ni Dr Anna Maria Laarni Pornan nga sumugod sa Enero 3 ang vaccination center sa SM na lang ang magapabilin nga operational.
Magabalhin ang vax center sa Government Service Express Hall nga yara man sa 3rd floor sang mall.
Maga untat naman sa pag operate ang vaccination center sa Gaisano City Mall, Ayala Malls Capitol Central kag sa Bacolod City Government Center sa masunod nga inadlaw.