May posibilidad nga may isa ka LPA nga maporma sa masunod nga inadlaw.
Wala pa sang may gina bantayan sa subong nga low pressure area sa sulod kag sa palibot sang Philippine Area of Responsibility.
Pero ari ang balantayan, may gina paabot nga maporma nga LPA sa sulod sang November 28 tubtob December 4, may posibilidad nga may medium chance nga mag develop sa isa ka bagyo.
Sa weather advisory sang PAGASA, gina forecast nga sa tunga tunga sang Deecember 5-11, tabukon naman sini ang Northern Mindanao, Visayas kag Southern Luzon kag nagapabilin nga medium sa gihapon ang tsansa nga mangin isa ka bagyo.
Gani may threat potential sa sulod sang sini nga period.
Malayo layo pa ini kag suno sa PAGASA may posibilidad pa nga magbag-o ini gani importante nga updated kita sa lakat sang panahon.
Tandaan nga ang official nga weather bureau sang Pilipinas amo ang DOST-PAGASA.
Diri lamang kita maga kuha sang opisyal nga weather update sa Pilipinas.
Kag kami diri sa Digicast Negros padayon nga maga monitor man sa PAGASA kag i dal-on sa inyo ang latest weather update para makapangaman kita.
Sa subong mangin fair ang weather ukon mainit ang panahon diri sa Negros pero may gagmay nga tsansa sang pag ulan dala sang localized thunderstorm.
Tandaan, ang weather update indi para mamahog kundi ginapahibalo kita sang mangin lakat sang panahon para makapreparar kita.*