May fungus nga na diskubrehan sa Capiz sang nagligad nga mga binulan nga gina lantaw breakthrough angut sa away kontra sa RSSI ukon sa peste nga nag igo sa karon sa katubuhan.
Suno sa pamuno sang Sugar Regulatory Administration, Pablo Luis Azcona, ang fungus nga initially identified bilang Metarhizium Anisopliae ang naga atake sa mga adult nga red striped soft scale insects ukon RSSI.
Maayo ini suno kay Azcona kay natural nga pamaagi sa pag patay sang RSSI kag indi chemical.
Nagalaum sila nga mapadamo ini agudto mapanagtag sa mga farmers para ma spray. Luyag anay nila nga mangin 100 percent sure ang ini nga pamaagi sa pag tapna sang RSSI.
Samtang, may mga 300 hectares sa mga katubuhan nga apektado sang RSSI ang tigayon nga naka recover suno kay Azcona.
May 2,932.13 hectares sang katubuhan ang apektado sang RSSI, pinaka damo sa Negros Occidental – 2,876.28 hectares.
Nag slow down sa 13 percent ang infestation sang nagligad nga semana suno kay Azcona, sini nga semana nagsaka naman sa 23 percent.