Digicast Negros

Isa ka gina alegar miyembro sang NPA nga may duha ka warrant of arrest, patay sa enkwentro

303rd IB photo

Patay ang isa ka gina alegar katapo sang New People’s Army sa enkwentro sa tunga sang mga rebelde kag tropa sang 62nd infantry battalion sang Philippine Army kagab-i sa Guihulngan City, Negros Oriental.

Sandig sa report sang army, natabo ang enkwentro matapos mag patigayon sang security operations ang tropa sa Sitio Pitik Pitik sa Barangay Luz.

Nag lab-ot sa lima ka minutos ang pag bayluhanay sang lupok sang army kag NPA nga nag resulta sa kamatayon sang rebelde nga si Randy Tapales.

Natukiban nga siya ang may duha pa ka existing nga warrant of arrest. Siya ang isa sa gina suspetsahan nga nag patay sang nag ligad nga tuig sa kay Corporal Mark Anthony Quiocson nga gin ambush samtang nagasakay ini sa iya motor.

May mga armas man kag mga bala nga na recover sa encounter site.

Exit mobile version
Skip to toolbar