Isa ka balay sa may downtown sang Bacolod nasunog

Ginrespondehan sang mga bombero ang sunog nga nagluntad sa Cuadra Street, Purok Kalipayan, Barangay 21 sa Bacolod City, pasado las 11 sang aga sini nga Miyerkules, Marso 18.

Naghalin ang sunog sa two-storey nga balay, nga may karinderya sa idalum.

Suno sa tag-iya nga si alyas “Joyce”, nagsugod ang kalayo sa ikaduha nga panalgan sang balay, nga gina-istaran sang iya utod. Natabuan nga wala sang tawo sa second floor sang nagluntad ang sunog.

Naulamid man ang kaiping nga balay nga may negosyo nga nagabaligya sang car parts.

Madasig naman nga napalong ang kalayo.

Sa karon, padayon pa ang imbestigasyon sa ginhalinan sang sunog.*

[sibwp_form id=1]