Probinsya ang naga lantaw sa karon sang posible insurance man para sa kasapatan para mabuligan ang mga mangunguma.
Suno kay Governor Eugenio Jose Lacson ang probinsya ang nag pakig angut na sa Philippine Crop Insurance para mahibaluan kun bala kasubong sa mga pananum, pwede man ma insure ang mga kasapatan agudto indi man matam-an ang mga mangunguma.
Wala sang indemnification ukon bulig nga mahatag sa mga mangunguma para maulian ang ila danyos kun ma patyan sang kasapatan mag luwas na lamang nga mag re-populate.
Ini sa tunga sang report nga pag kapatay sang mga kasapatan labi na sa mga baboy nga tuga sang hog cholera sa 3rd kag 4th districts, kag iban pa gid nga kasapatan dala sang tuman nga kainit nga panahon.
Indi malikawan ang pag gwa sang mga pagduda karon nga basi na igo na sang African Swine Fever ang probinsya.
Pero suno kay Lacson, tubtob nga mapat-od ini sang nagakaigo nga ahensya sang gobyerno, wala sang kaso sang ASF sa probinsya.
Padayon nga mabinantayon ang Negros Occidental kag mga apat naman ka tuig ang istrikto nga monitoring suno kay Lacson kag samtang naga dugay mas naga budlay ang mga gina atubang nga pag pang hangkat.