2 ka mga teams gikan sa City Engineers’ Officer ang maga-inspeksyon sang mga critical facilities nalakip diri mga government infrastructures sa Bacolod sugod Huwebes.
Duha ka mga separado nga inspection team halin sa Bacolod City Engineers’ Office kag Office of the Building Official ang maga-assess sang mga critical facilities agud man mapasiguro ang kabakod sang mga natukod nga government buildings.
Suno kay Engineer Loben Ceballos, officer in charge sang CEO, ang pag-usisa sa structural integrity sang mga edipisyo kabahin sang mando sang Office of the Civil Defense bilang pagpanghanda sa posible epekto sang linog.
Ang Department of Education ang ginmanduan man nga mag-usisa sa mga school buildings ilabi na karon nga nagahilapit ang pagbalik sang face to face classes sa Agosto 22.