Construction sang P160M nga recovery kag recycling facility sa Barangay Felisa inagurahan bwas.
Sa kapin 25 ektariya nga duta nga nabakal sang siudad sa Barangay Felisa itukod sang Bacolod LGU ang Recovery and Recycling Complex kag Ecopark nga natalana inagurahan bwas.
Ginsiling ni BENRO head Ma. Fe Trespuentes, kapin P143M ang gamiton nga pondo gikan sa loan agreement para mapatukod ang pasilidad nga sarang makapahagan-hagan sang kadamuon sang basura sa sanitary landfill. Magagikan naman sa Annual Investment Fund sang siudad ang masobra P17M nga gamiton para sa site development, pagbakal sang machineries kag equipment kag installation sang electrical system.
Sa IPM Construction and Development Corporation nga amo man ang private garbage collector kag naga-maintain sang sanitary landfill sang siudad. Kabahin sang Bacolod Integrated Recycling and Technology Hub ukon BIRTH facility ang eco-park nga ginalauman mangin isa sa mga atraksyon sa siudad.