Isa ka iloy ang nagbun-ag sang lapsag sa quarantine facility sang siudad sang Bacolod kahapon.
Base sa post ni Councilor Cindy Rojas sa iya social media account, ang iya tatlo ka mga staff nga babaye nga wala sang medical background ukon training ang nagbulig sa pagpabata sa iloy.
Nagatenir ang iloy sa quarantine facility sa ETCS 4 samtang nagahulat sang resulta sang iya swab test.
Gindala siya kag ang iya lapsag sa isa ka pribado nga ospital para mahatagan sang nagakaigo nga medical attention.
Ginhatagan ang lapsag sang ngalan nga Gabriel kag yara karon sa intensive care unit bangud premature pa.
Ginakabig ni Rojas nga isa ka milagro ang pagkabung-ag sang lapsag bangud nasarangan sang iya tatlo ka mga staff ang pagbulig sa pagbun-ag sang iloy.