Patay ang 44 anyos nga iloy matapos ini gin buno buno kahapon sang kaagahon samtang nagakatulog sa ila balay sa Barangay Robles banwa sang La Castellana.
Ang suspek amo mismo ang iya anak nga babayi kag iya sini nga nobyo nga lunsay 17 anyos pa lang.
Sa imbestigasyon sang La Castellana PNP, gin text sang anak sang biktima ang iya nobyo nga sudlon sa balay ang iya iloy kag didto na nila gin buno buno nga nag resulta sa iya kamatayon.
Ginpahayag naman ni Captain Rhogn Darell Nigos, hepe sang La Castellana PNP nga ginalaygayan sang iloy ang iya anak kay indi ini pabor sa iya relasyon sa iya nobyo gani mahimo amo sini ang kabangdanan ngaa ila nahimo ang pag patay sa iya iloy.
Ila man gin ako ang ila nga nahimo. Kaso nga parricide kag murder ang ipasaka sang PNP batuk sa mag nobyohanay.
Sila ang gin turn over naman sa DSWD.