Ilog PNP magabulig sa imbestigasyon sa kaso sang gin-abduct nga lalaki kag nasapwan patay sa Bayawan City sa Negros Oriental kay sa Ilog ginkuha ang biktima.
Nakakadto na sa Ilog PNP para magpa record ang asawa ni Alberto Balansag angut sa gina alegar “abduction” sa iya mister sa barangay Tabu, banwa sang Ilog sang Martes.
Ini ang ginkumpirma ni ni P/Maj. Randy Babor hepe sang Ilog PNP.
Suno kay Babor, base sa statement sang misis sang biktima, Marso 18, samtang naga bantay sila sang bus sa national highway sang Barangay Tabu kag papauli sa barangay Talacdan sa Cauayan, sang sila ang ginpondohan sang isa ka blue nga auto kag pwersa nga ginpasakay ang iya bana.
Sang Martes nasapwan ang bangkay ni Alberto sa katubhan sa Bayawan City.
Suno pa kay Babor nga magabulig ang ila ahensya para sa Joint Investigation nga pangunahan sang Bayawan City PNP.