Boluntaryo na gin-demolish sang tag-iya ang illegal nga structure sa creek sa Purok Santol, Brgy. 20, matapos nga mag-issue sang Cease and Desist Order ang syudad sang Bacolod kahapon.
Ini kasunod sang pag ka diskubre sang syudad nga may natukod na nga illegal structure sa tunga sang creek kag sa easement area sang natural nga alagyan sang tubig.
Ang pagbutang sang pader ang wala sang bisan ano nga permit.
Sumugod kaina sang aga, boluntaryo na nga gin-demolish sang tag-iya ang illegal nga structure.
Isa pa ka illegal structure sa Sulom Creek, Barangay Villamonte ang gin-inspeksyon matapos magreklamo ang pumuluyo nga nagapugong ini sa flow sang tubig, kag nagarisgo sa seguridad sang mga residente sa tion sang mabaskog nga ulan.
Ang ini nga mga inspeksyon ang ginahimo sang siudad para mapahagan-hagan ang pagbaha.
Martes sang isa sa mga pinakamalala nga baha ang na eksperyensya sa Bacolod dala sang Bagyo Verbena.*