Lakip sa mga sahi sang palupok nga ginpang-guba amo ang Watusi, Piccolo, Poppop, Five Star, Pla-Pla, Lolo Thunder, Atomic Bomb, Giant Bawang, Atomic Triangle, Judas Belt, Goodbye Delima, Hello Columbia, Goodbye Napoles, Super Yolanda, Mother Rockets, Kwiton, Boga kag iban pa.
Ang mga boga ang ginpalapakan sa truck, samtang ang may mga polvora nga klase sang palupok ang ginbutang sa drum nga may unod nga tubig.
May kabilugan nga 23,111 ka mga palupok ang nakumpiskar sa mga isla sang Negros kag Siquijor sang nagligad nga Holiday season. Nagabalor ang mga ini sang P437,778.
Ang Negros Occidental Police Provincial Office ang may pinakamadamo nga nakumpiskar nga iligal nga palupok, ginsundan sang Negros Oriental Police Provincial Office, Bacolod City Police Office, Siquijor Police Provincial Office, kag Regional Mobile Force Battalion-Negros Island Region.
Yara man ang katapo sang Bureau of Fire Protection agud magbulig sa proper destruction kag disposal sang nasambit nga mga ginadumilian nga palupok.*
[sibwp_form id=1]