Regulatory Chief sang Department of Agriculture ang nagapanawagan sa mga hog farmers nga pabakuron ang biosecurity para man mapangapinan ang palangabuhian.
Sa nagakatabo sakaron, suno kay Dr Jonic Natividad, importante ang kooperasyon sang mga hog farmers kasubong man ang papelsang tagsa ka local government unit sa pagpatuman sang biosecurity measures.
P114.2 million na sa record sang Provincial Veterinary Office ang kahalitan tuga sang pig deaths.
Panawagan ni Natividad nga gamay man ukon daku ang piggery nagagakaigo nga indi pagkalipatan ang mga pagsulundan para mapangapinan ang mga hinuptanan.
Suno sa iya madugay nasila nga naga patigayon sang orientation sa mga mangungumapara may ihibalo sila bahin sa biosecurity.
Gina sulit niya ngalikawan ang pag pasulod sang karne sang baboy, indi man mag pasulod sang iban nga tawo sa farm.
Kun may mga report nganabaton dapat nga doblehon ukon i-triple pa ang pamakod sa ilamga gina sagod nga kasapatan indi lamang nga daw sa walalang.
“Dapat magpabakod gid sila sang ila nga protocols. Halungangid nila nga bisan gamay man nga piggery ukon daku, indi gid sila mag ka lingat o mag kalipat, sang proper nga biosecurity. Like indi mag pasulod tawo, indi magdala karne sang baboy, indi magsagay pamakalkarne, mga stray animals, limit lang anay”, suno kay Natividad.
Dugang pa niya, “buligan gid kita sang raisers mismo. Indi silamagkumpiansa nga daw sa wala lang”.
Samtang, may ASF vaccine sa karon nga on trial sa pungsod kagini ang gin manufacture gikan sa Vietnam.
Nakit-an nga may maayo ini nga epekto sa kasapatan kag gina process sa karonang authority gikan sa Food and Drug Administration kasubongman ang registration suno sa iya.