Banwa sang Hinigaran ang maga sugod panagtag sang cash assistance sa mga apektado sang bagyo Tino.
Ginsiling ni Vice Mayor Nadie Arceo nga target nila sini nga semana mag-release sang tig P3,000 para sa yadtong mga nagub-an sang balay sang maglaslas sang bagyo Tino sang Nobyembre 4.
Suno kay Arceo ang pondo ang gikan sa P5 million nga halin sa Presidential Assistance Fund kag gindugangan sang P4.5 million nga gikan naman sa local funds sang banwa.
Sa page sang Grace Cares ang official page ni Mayor Mary Grace Arceo, nakasaad nga 3,108 ang yara sa ila nga listahan sang totally damaged houses. Ginsiling man diri ang gindugang nga local funds ang halin sa realigned items sang LGU nga annual budget.
May separado pa gid nga emergency cash transfer assistance nga halin sa DSWD nga karon gina process na sang national governement para sa severely kag slightly affected families.
Suno kay Vice Mayor Arceo, ang pag release sang P5 million nga gikan sa Presidential Assistance Fund ang yara na sa discretion sang alkalde kag ila gin pakamaayo nga iga hatag ini bilang financial assistance.
Damlag pa nagpahayag ang Negros Occidental LGU, La Castellana LGU kag Moises Padilla LGU nga indi pa nila ma release ang kasubong nga pondo nga ila nabaton bangud sang pag comply pa nila sa mga requirements angut diri.
“Ihatag namon na this week. (ang sa P5million na comply na ang requirements?) Discretionary sang mayor na. Pwede sa financial assistance, kun ano nga form, pwede bakal sang bugas. Te sa amon financial assistance”, suno kay Arceo.*