Siyudad sang Himamaylan posible nga mapa idalom sa red category bangud man sang sunod sunod nga enkwentro sang army kag NPA.
Gin pahayag ni Police Lieutenant Abegael Donasco nga gina validate karon sang PNP ang presensya sang mga armado nga grupo lakip na sang mga rebelde sa siyudad sang Himamaylan kasunod sang asud asud nga enkwentro nga nag luntad sa siyudad.
Pinaka ulihi amo ang pag kamatay sang duha ka mga NPA members sa enkwentro sa Barangay Carabalan.
Suno kay Donasco, kaangay sang iban man nga mga LGU, posible nga ipaidalom sa red category ang Himamaylan bangud isa man sa ginat an-aw amo ang presensya sang armed groups.
Ila man gina tan-aw ang tanan nga posibilidad sa sunod sunod nga enkwentro kag kabahin diri ang may angut sa naga hilapit nga eleksyon.
Yara karon yara sa orange category ang siyudad sang Himamaylan ukon area of immediate concern. Sang may 2019 elections, gin paidalom sa red category ukon area of grave concern ang siyudad.