Tatlo ka mga police officer kag isa ka sibilyan ang napatay sa duha ka shooting incident nga nagluntad sa Barangay Tubtubon, Sibulan, Negros Oriental, Biyernes sang gab-i.
Nalakip sa mga ginbawian sang kabuhi ang hepe sang Sibulan Police Station, PCPT Jose Edrohil Cimafranca, PSMS Tristan Chua, kag PAT Rey Albert Temblor.
Sila ang nag escort sang na-aresto nga suspek nga isa ka Police Staff Sergeant.
Suno sa Negros Oriental Police Provincial Office, isa ka shooting incident sa sulod sang isa ka restobar ang una nga natabo kun sa diin isa ka babaye nga ginkilala kay Sheila Mae Dinaonao ang gin alegar gintiro sang suspek nga si PSSg Bonifacio Saycon.
Ugaling sang gina-escort na sang kapulisan ang suspek may liwat naman nga nagluntad nga pagpaniro kun sa diin nakapalagyo ang suspek.
Sang ulihi nagsungka si Saycon kag sa karon ang na detain sa Tanjay Police Station.
Gina pasalig sang Police Regional Office 18 nga wala sang whitewash nga matabo kag gin mando man ang gilayon kag independent investigation sa natabo.
“There will be no whitewash. This investigation will be conducted with full transparency, and anyone found liable, will be held accountable under the law,” suno kay RD Arnold Ibay.
[sibwp_form id=1]