Ginpatigayon ang hearing sini nga Miyerkules angut sang natabo nga pagbaha sa Barangay Mailum sa Bago City.
Wala magtambong ang Almana Corporation nga isa sa mga gin imbitar.
Sa speech ni Councilor Jake Patrick Torres sang Bago City, iya ginsaysay ang natabo nga pagbaha sa Mailum sadtong katapusan nga semana sang bulan sang Agosto.
Sa tunga sang mabaskog nga ulan, sang may gulpi nga pag-ilig sang lutak halin sa construction site sang Almana Corporation.
Wala man nag abot ukon nag pakita sa hearing ang bisan sin-o nga tiglawas sang Almana Corporation.
Suno sa mga residente sa Mailum indi lamang ang dalan ang gina baha pati na ang suba kun sa diin may adlaw ini nga lutak na ang naga daludo sa suba.
Ini man nga pagbaha sa lugar ang naghatag kahadlok kag kaalarma sa mga residente sa palibot, ilabi na sa mga pumuluyo sang Purok Abaca kag Purok EDC, nga amo ang mas naka eksperyensya sang pagbaha.
Ginkasugtan sang konseho nga sa karon pangitaan sang pamaagi parehos sa pagbutang sang mga kalog sa higad sang dalan ang Barangay para mapahagan hagan ang pagbaha.
Suno kay Punong Barangay Melchor Sayco sang Mailum, liwat magapatawag ang konseho sang hearing kag liwat nga imbitahon ang Alamana para maka paathag man sila sang ila nga bahin sa sini nga isyu sang pagbaha sa nataasan na nga barangay sang Bago City.