Nag panaog na ang kadamuon sang health care workers sa Negros Occidental nga nag positibo sa Covid – 19.
Suno kay Provincial Administrator Rayfrando Diaz, sa Teresita lopez Jalandoni Provincial Hospital, nag nubo na sa 38 ang nag positibo sa Covid 19 kag walo ka iban pa ang napaidalom sa quarantine.
Gina plastar na lamang kag suno kay Diaz maga announce ang ospital kun san-o ini maka balik sa ila nga regular nga operation.
Damlag pa ang kadamuon sa nag positibo sa virus sa amo nga ospital ang nag tuga sang temporaryo nga pag untat sang pila ka mga hospital services. Sa pihak nga bahin, naga pabilin sa 120 ang na-admit sa ospital sa Cadiz bangud sang Covid-19.
Suno kay Diaz, 261 ang admitted Covid patients sa Negros Occidental lakip na Bacolod kag ang ospital sa Cadiz ang may pinaka madamo nga admission.
Naga saka panaog naman ang naga ka record nga new cases sang Covid 19 sa probinsya.
Kahapon 311 ang new cases, 368 naman ang naka recover.