Siudad sang Bacolod plano nga i-dispose ang mga hazardous chemical nga nagpanimaho sa abandonado nga compound sa Barangay 39.
Na-contain na sang katapo sang DRRMO kag City Health Office ang malain nga baho sa nagluntad nga chemical spill sa abandonado nga compound sa Barangay 39 kahapon.
Suno kay Councilor Pao Sy, pamuno sang Committee on Fire, Social Defense and Natural Disasters sang konseho, plano nila nga i-dispose gilayon ang mga container sang hazardous material kun mapat ud na kun ano ini nga sahi sang kemikal.
Sanday Sy kag Secretary to the Mayor Atty. Karol Joseph Chiu ang nagpanguna sa pag inspekyon matapos nag reklamu ang mga residente angut sa malain nga baho gikan sa compound sang nagligad nga Miyerkoles.
Gina usisa na nila kun sin o ang nagapanag iya sang property kag kun para sa diin ang mga nakit an nga container nga naga unod sang hazardous chemicals.