Bag-o nahuman nga community hanging bridge sa Barangay Robles sa La Castellana ang gin-turn over na. Masobra sa 20,000 ka mga residente ang maga benepisyo gikan diri.
Ang proyekto ang naga balor sang P6.4 million pesos sa idalom sang Department of Social Welfare and Development – KALAHI CIDSS.
P1.7 diri ang local counterpart contribution suno sa DSWD. Ini ang cash and in-kind contribution.
5,215 ka mga panimalay ukon 20,367 ka mga residente suno sa DSWD ang maga benepisyo sa amo nga hanging bridge.
Sila ang nahatagan sang mas safe kag accessible nga connection labi na ang yadtong naga kinahanglan nga mag tabok sa suba para makalab-ot sa tagsa nila ka mga balay, eskwelahan, sa merkado, tagsa ka palangabuhian, mga health facilities kag iban pa gid nga mga gina kabig essential services.
Suno sa DSWD sa mga komunidad nga na sipak bangud ayhan sang suba ukon mabudlay nga alagyan, indi lang ini simple nga problema sa distansya. Ang risgo kag pag panghangkat nga dala sang amo nga kabudlayan sarang maka apekto sang higayon sang pumuluyo nga maka access sang mga kinahanglanon nga services.
Labing naga pasalamat naman si Mayor Añejo Nicor sa bulig nga nabaton.
[sibwp_form id=1]