Massive disinfection ang ginpatigayon sa mga babuyan sang 13 ka mga hog raiser sa banwa sang San Enrique. Ini ang kabahin sang decontamination nga gina patuman sang Provincial Veterinary Office upod na ang Incident Management Team sa tinutuyo nga mapatuman ang cleansing sa lugar.
Ang banwa sang San Enrique ang nag record sang pinaka mataas nga kahalitan tuga sang pig deaths. Sa datus sang PVO sang June 14, 4pm, 99.22 percent sa hog population sini ang nagkalamatay. Sa 2,692 ka mga baboy sa amo nga report, 2,671 ang nagkalamatay.
Ang banwa sang Pulupandan may mataas man nga report bahin sa pig deaths. Sa amo nga datus, 55.25 percent sang ila nga hog population ang gin report nagkalamatay. 143.6 million na sa kabilugan ang balor sang halit nga natuga sang nagkalamatay nga baboy bangud sang masakit.
Padayon ang pagpatuman sang mga tikang para ma pamatukan ang pag lapta pa gid sang masakit. Sa Binalbagan nag sapol man ang ASF Task Force sa mga backyard hog raisers angut diri lakip na ang pamaagi para sila ang mahatagan sang financial assistance.