Kahalitan nga natuga sang wastewater spill sang Universal Robina Corporation-Bais Distillery sa fisheries lakip na sa palangitan-an sang mga nagasalig sa amo nga kadagatan ang nagdangat sa P182 million.
Samtang, pagpangusisa sa compliance sa Disaster Management Plan sang mga sentral ang ipatuman.
Ginsiling ni Department of Environment and Natural Resources Regional Director Charlie Fabre nga ila na na-file ang criminal complaint sa Bais Prosecutor’s Office angut sa pagsupak sa Expanded NIPAS Act of 2018 batuk sa URC-Bais Distillery sadtong Nobyembre 21.
May pending man ang URC nga administrative complaint sa Pollution Adjudication Board nga gina atubang kag dapat sila nga mag comply sa gina hinyo sa ila.
Suno kay Fabre ang P182 million ang base sa estimate sang Bureau of Fisheries ang Aquatic Resources kag ini ang gin gamit nila sa pag file sang kaso.
Wala pa diri na lakip ang extent sang damage sa iban nga marine resources.
Suno kay Fabre, ginhinyo na nila ang Silliman University kag University of the Philippines kag research unit sang DENR nga mag patuman sang pag tuon kag pagpangusisa para diri.
255,000 cubic meter sang waste water ang gin-report na spill sa baybayon.
Tubtob sa karon wala pa naka operate balik ang URC-Bais Distillery.
Katapusan sang bulan sang Oktubre sang gin report ang wastewater spill kasunod sang pag kaguba sang dike sang kumbuyahan.
Isa sa tuyo karon sang DENR, suno kay Fabre sa iya report sa Regional Development Council meeting, amo nga sila ang maga sapol sa mga kumpanya sa kasubong nga mga industries para mapasiguro ang ila nga mga disaster management plans.*
[sibwp_form id=1]