Kahalitan sa pananum sa Negros Occidental ang nagdangat sa P35 million dala sang Bagyo Tino.
Ini base sa November 7 nga report nga gin-release sang Office of the Governor.
Kahalitan sa palay ang yara sa P24.8 million, ang sa mais naman yara sa 387,682 pesos kag ang sa high value crops yara sa P3.2 million.
Ang kahalitan sa fisheries yara sa P6.4 million pesos.
Sa datus sang Provincial Disaster Risk Reduction Management Office sa 11 am nga report, may 242,809 ka persona sa bilog nga probinsya ang apektado sang Bagyo Tino.
May 90,770 ang naga pabilin sa evacuation center. Yara naman sa 32,004 ang sagwa sang evacuation center.
Paathag ni Irene Bel Plotena ang pamuno sang PDRRM Negros Occidental ang mga naga pabilin sa evacuation centers mahimo nga wala pa sila sang pulian nga balay bangud nagkalaguba ini, ukon mahimo man wala sila gintugutan anay sang LGU nga mag balik sa ila nga puluy-an bangud man sang gina paabot nga bagyo Uwan.