May duha ka mga mangingisda sa Cadiz City ang gin-report missing matapos nga wala tigayon makapauli.
Suno sa Coast Guard gin-report ni Monica Jore, ang tag-iya sang sakayan, nga wala makapauli sanday Joren Parochil, 22 anyos kag upod sini nga 17 anyos nga si Edwin Hinojales, matapos nga nag pangisda aga sang Oktubre 24.
Ginpatigayon ang search and rescue operation.
Naga abiso ang Coast Guard sa publiko nga gilayon mag pahibalo kun may sightings sa mga natungdan ukon sa sakayan nga may kolor white kag orange.
Samtang, kahalitan sa pananum, aquaculture kag kasapatan dala sang bagyo Kristine sa Negros Occidental ang nagdangat sa 4.2 million pesos.
Damaged houses naaman ang nagdangat sa 318.
Sa report sang Provincial Disaster Risk Reduction Management Council as of 12nn, kahalitan dala sang ulan bangud sang bagyo Kristine sa pananum ang nagdangat sa 3.2 million pesos.
Sa Aquaculture naman ini ang nadangat sa masobra sa 575,000 pesos kag sa kasapatan masobra sa 419,000 pesos.
Sa mga nagkalaguba nga balay, 32 ang totally destroyed kag 286 naman ang partially damaged.
Suno sa PDRRMC, may 732 ka pamilya, ukon 2,517 ka persona, as of press time ang naga pabilin sa mga evacuation center.
Ang sagwa naman sang evacuation center ang yara sa 59 ka pamilya ukon 198 ka persona.
Padayon naman ang pag panagtag sang relief goods sa mga yadtong na-displace nga persona.