Sa bulan sang hulyo gina paabot ang pag-file sang hagna sa pag postpone sang Barangay Elections.
Ini suno kay Rep. Eleandro Jesus Madrona sang Romblon nga nagbisita sa probinsya.
Suno sa iya sa masami naga depende ang tanan sa kun ano ang mandato sang mayoriya kun sa diin siya ang katapo.
Sa karon, suno kay Madrona gina istoryahan ang postponement sang Barangay Elections.
Ugaling isa sa ginahatagan man sang pagtamod amo ang Sangguniang Kabataan.
Ini bangud suno kay Madrona kun may postponement sa Barangay Elections kag malakip ang SK, may mga nag over-age na sa bahin sang SK.
Ini ang paga istoryahan pa.
Kun madayon man ang postponement sa Barangay Elections mahimo sa masunod nga isa ukon duha ka tuig ang pag paisol sini suno kay Madrona.
Damlag pa, sandig sa timetable sang Commission on Elections, sila ang naga handa na para sa Barangay kag SK Elections, tubtob nga wala sang layi nga naga mando sang pag-postpone sang amo nga piniliay.