Gin anunsyo sang state weather bureau nga PAGASA subong nga adlaw nga nagtakop na ang Habagat season sa Pilipinas subong nga Lunes.
Ini ang nagakasayuran man sang pagtapos man sang rainy season sa western sections sang Luzon kag Visayas nga naga lakip sang isla sang Negros.
Suno sa PAGASA ang paghinay sang dapya sang hangin kag ang pag diutay sang ulan ang na obserbahan sang nagliligad nga mga inadlaw nga patimaan na sang pagtakop sang Habagat.
May pagbaskog naman sang high pressure systems sa East Asia kag ang pagsulod sang Intertropical Convergence Zone ang na monitor naman.
Ang mainit nga hangin gikan sa Pacific Ocean ukon ang easterlies ang maga apekto na sa pungsod samtang naga transition sa Northeast Monsoon ukon Amihan season, nga mahimo magasugod sa second half sang bulan sang Oktubre.
Sa kada Amihan season yara sa Luzon kag Visayas ang alagyan sang mga bagyo nga naga sulod sa Pilipinas.
[sibwp_form id=1]