Ang Habagat ang nag hinay na, mainit nga panahon mahimo na ma eksperyensya sa Visayas. May bagyo nga gina monitor ang PAGASA sa gwa sang PAR.
Ang Habagat ang padayon nga naga apekto sa Pilipinas pero indi na amo mabunok ang ulan nga dal-on sini. Suno sa PAGASA, sa Visayas kag Mindanao maka eksperyensya na sang mainit nga panahon pero posible sa gihapon ang pag-ulan.
Sa Visayas nalakip na ang isla sang Negros, mangin mainint kag mapaang ilabi na kun udto tubtob maghapon. Pero tungod sang localized thunderstorms, may posibilidad sa gihapon sang pag ulan kun hapon kag kun gab-i.
May tropical storm nga gina monitor ang PAGASA sa gwa sang Philippine Area of Responsibility nga may international name nga Nangka. Wala ini sang direkta nga epekto sa Pilipinas pero iya nga gina butong ang Habagat nga amo ang naga dala sang ulan sa Luzon.
Panugyan sang PAGASA nga bisan maka eksperyensya na sang mainit nga panahon magbalon sa gihapon sang payong para may panagang enkaso nga magbubo ang ulan.
[sibwp_form id=1]