Patay ang 31 antos nga si Aljohn Cabalhin matapos matiruhan sang pulis sang gina alegar siya ang nag bato sa buybust operation nga gin patigayon kaina snag kaagahon sa Manville Royale Subdvision sa Barangay Pahanocoy sa Bacolod.
Isa ka joint entrapment operation ang gin patigayon kaina sang PNP-AKG upod sang Police Station 8 batuk kay Cabalhin nga suno sa ila iligal nga aga baligya sang armas.
Suno sa PNP, ihatag na kun tani ni Cabalhin ang iya caliber pistol kabaylo sang P2,000 sa police poseur buyer ugaling sang iya mamutikan nga pulis ang iya gina transaksyon, iya gin paniro suno sa pulis ang mga naga padulong nga mga pulis nga ma aresto kun tani sa iya.
Bangud sang pag paniro siya ang gin tiro man sang pulis nga nag resulta naman sa iya kamatayon. Wala man sang may nasamaran sa bahin sang PNP.
Na recover sa suspek ang isa ka homemade calibre 45 pistol, hommade calibre 380 pistol, homemade break type pistol, kasubong mga bala kag iban pa nga kagamitan.
Ang napatay nga si Cabalhin ang may standing warrant of arrest man sa kaso nga attempted homicide.