Sa kalawigon, natigayon gid man ang katumanan sang handum nga mapakaayo ang mga dalanon ukon farm to market road sa tatlo ka mga malagyo nga barangay sa Hinoba-an lakip na ang taytay.
Miyerkules ginpamunuan ni Negros Occidental Governor Eugenio Jose Lacson ang groundbreaking ceremony para sa rehabilitation sang 500 million pesos nga farm to market road sa Barangay Talacagay padulong sa Brgy Bacuyangan, padulong sa Brgy Damutan.
Ang proyekto ang ginahikot sang Negros Occidental Provincial Engineer’s Office upod ang Department of Agriculture-Philippine Rural Development Project kag World Bank bilang mga implementing partners.
523.3 million pesos ang kabilugan nga balor sang proyekto kag ang DA kag gobyerno probinsyal ang nag hatag saang tig 51.3 million pesos samtang ang World Bank naman 410 million pesos.
Ang farm to market road ang may kalabaon nga 24.475 km kag kasangkaron naman nga 9 to 10 meters
Ang taytay 30 linear meters kag may kasangkaron nga 5.60 meters.
Suno kay Governor Lacson, madugay na nga nag pabilin lamang nga handom ang amo nga proyekto kag subong may katumanan na.
Ginalauman nga sa tion nga mahuman ini sa June 2026 magadala ini sang pagsanyog sa ekonomiya sa amo nga duog.
“Once this project is done it would really perk up their economy in Hinoba-an. It’s a project that has been talked about so many years already. It’s a project where people would bet. Some have even offered to cut their fingers if it will push through. It’s finally pushing through”, suno kay Lacson.