Maga abot sini nga semana sa Himamaylan City ang developer para sa Pambansang Pabahay para sa Pilipino Program.
Ini suno kay Himamaylan City Raymund Tongson nga nag paathag nga gina paabot ang pagsugod sang ground works para sa 3000 ka condominium units nga tuyo itukod sa idalom sang amo nga proyekto.
Sa poblacion suno kay Mayor Tongson iga tukod ang mga 30 ka building para sa amo nga mga housing units nga suno sa iya ang una nga tranch nagabalor sang 5.5 billion pesos.
Sang October 2023 tigayon nag lagda ang Himamaylan City sang kasugtanan upod sa department of Human Settlement and Urban Development para sa 4PH program sa idalom sang Programa ni Presidente Ferdidand Marcos.
Ika duha ang Himamaylan City sa Bacolod nga nag pakigbahin sa amo nga programa.
Paagi sa programa ginapaabot ang indi lamang pag paayo sang living condition sang mga taga Himamaylan kundi maga pa sanyog man sang ekonomiya sang siudad.