Ginsiling ni Bacolod City Mayor Greg Gasataya nga 2.2 billion pesos ang kinahanglanon nga budget para tigayon na nga mahuman ang apat ka panalgan nga Bacolod City General Hospital nga nahamtang sa Barangay Vista Alegre.
Sa karun, 700 million pesos palang ang tigayon na nga gingasto sa pagpatukod sang amo nga pasilidad.
Suno sa alkalde, ginahingagaw na sang siudad nga matapos ang bidding sang bag-o nga phase sang construction para sa dugang nga 230 million pesos sini nga tuig.
Lakip diri ang 130 million pesos nga dugang nga pondo aang Department of Public Works and Highways kag 100 million pesos gikan aa Department of Health.
Yara palang sa 42.27 percent ang budget nga na release para sa hospital.
Dugang ni Gasataya, indi pa makahatag ang siudad aang eksakto nga tuig kun san-o matapos ang kabug-osan sang hospital apang target sini nga mangin operational na ang ground floor kag second floor sang hospital sa 2028, suno man sa rekomendasyon sang DOH.
Pagklaro niya, multi-year ang budget para sa amo nga pasilidad kag dependi man sa gobyerno nasyonal kun san-o ini mahatag sa siudad agud magpadayun ang construction.
Nagsugod ang pagpatukod sang amo nga ospital sang tuig 2022.
[sibwp_form id=1]