Gratuity pay para sa job order workers kag contract of service workers ginahingagaw mapanagtag sang siudad sang Bacolod, antes matapos ang tuig.
Pila ka mga local government unit sa probinsya ang halos patapos na sa pag-release sang gratuity pay sa mga job order workers kag contract of service personnel. Gani halin sang nagligad nga semana, ginahingaw sang tagsa ka mga departamento sang Bacolod LGU nga ma-proseso ang payroll para sa gratuity pay sang mga JO kag COS.
Ginpaathag ni Secretary to the Mayor Atty. Marty Go nga luyag ipasiguro ni Mayor Albee Benitez nga masunod ang guidelines sang Department of Budget and Management antes pa ma-release ang grant.
Kapin sa P2,000 tubtob P7,000 ang sarang mabaton sang JOs kag COS depende sa kalawigon sang ila pagserbisyo. Kaina ginsuguran na ang pag-release sang gratuity pay para sa kapin 1,800 ka mga JO kag COS.