K5 News FM Bacolod photo
Ginabulubanta P204,000 ang balor sang ginasuspetsuhan shabu nga nakuha sa Grade 9 student sa isa ka high school sa Barangay Banago, Bacolod City sang Lunes.
Nagapatigayon sang routine security inspection ang gwardiya sang eskwelahan sa exit gate, sang iya namutikan ang makaduluda nga items sa bag sang estudyante.
Narekober sa estudyante ang duha ka pakete nga may unod nga suspected shabu.
Gin-turnover ang minor sa custody sang Social Development Center bilang pagsunod sa layi angot sa mga Children in Conflict with the Law ukon CICL.
Sa karon, naga-usisa ang kapulisan sa source sang iligal nga droga kag kung bala gin-exploit ang minor ukon gin-gamit siya sang mga persona nga imbolbado sa illegal drug trafficking.
Ginsiling ni Bacolod Councilor Celia Flor, chairperson sang Committee on Women, Gender, Family and Childcare nga dapat pabaskugon pa gid ang seguridad sa mga eskwelahan kag ang kampanya batok iligal nga droga.
[sibwp_form id=1]