Grade 7 student nga naligo sa reclamation area sang Pontevedra nalumos. Naghinagaray ang 12 anyos nga grade 7 student nga lalaki kag iya mga abyan nga maligo sa baybay sa reclamation area sang banwa sang Pontevedra sang Miyerkules sang hapon.
Pero nag gwa sa pagpang usisa sang Local Disaster Risk Reduction Management Office nga indi makahibalo maglangoy ang 12 anyos kabangdanan nga siya ang nalumos.
Inoras nga nagpatigayon sang rescue and retrieval operation ang katapo sang LDRRMO upod sa Philippine Coast Guard.
Pero bangkay na sang ila makit-an ang estudyante kaina sang kaagahon.
Tungod sang insidente nagapangabay karon ang mga otoridad sa mga ginikanan nga ipasiguro nga nakapauli ang ila mga kabataan ilabi na kun ginapatuman ang half day classes agud mapaiway ang kasubong nga insidente.