Government dialogue kag aksyon sa sugar retail price ang panawagan sang tatlo ka mga Sugarcane Producers’ Federation.
Nagpagwa sang pahayag ang Confederation of Sugar Producers Association Inc., (Confed) nga gina tiglawas ni Aurelio Gerardo Valderrama, Jr, ang presidente, Panay Federation of Sugarcane Farmers, Inc., (PanayFed) nga gina tiglawas ni Danilo Abelita ang presidente kag National Federation of Sugarcane Planters (NFSP) nga gina tiglawas ni Erique Rojas ang presidente, angut sa ila nga pagbuylog sa kabalaka sang pungsod sa inflation rate nga naga apekto sa ekonomiya sa karon. Suno sa grupo nga naga represent sang 50 percent sang domestic sugar production, ila nga ginsuportahan ang nagakaigo tikang para ma panubo ang inflation. Nabalaka sila sa gin report nga “tuman ka taas nga inflation sang sugar, confectioneries kag desserts” nga gina kabig major contributor sa inflation. Suno sa ila kun lantawon daw ini ang nangin rationale sang Minimum Access Volume importation plan para sa 64,050 metric tons. Angut diri naga panindugan ang grupo nga sang October sila ang nag recommend na sang calibrated importation sang 300,000 metric tons sang sugar nga gin panubuan sang SRA sa 150,000 metric tons. Suno sa ila ang mill gate prices sa karon ang nag panaog na sa P 2,885 per bag. Pero ang retail prices, wala sa gihapon nanaog – yara ini sa P95 -105/kilo. May naga kaigo man sa karon (Sept 1 to Dec 11) nga supply sang refined sugar sandig sa inventory sang SRA. Mas mataas pa gani ini sa kasubong nga tion sang nagligad nga tuig. Gani wala sang urgent need para sa pag import suno sa ila labi na sa peak sang milling season. Wala man sang rason nga maga pabilin nga mahal ang retail price nga ang mill gate price nagnubo na. Nagapanawagan man sila sang dialogo para malubad ang pila ka mga issue padayon man sila nga naga hinyo sa DA/SRA/DTI sa pag bantay sa tuman ka mahal nga presyo sang kalamay.
Ang masubo suno sa ila nga ang naga kabasulan ang mga producers nga wala man sila ang naga benepisyo gikan diri kag ang mga end-consumers naman ukon end- users ang naga abaga sang epekto sang mahal nga presyo.