Gobernador kag bise gobernador sang Negros Occidental ang nagasuporta sang proposed joint venture agreement sang Ignite Power and Energy Holdings Inc kag Central Negros Electric Cooperative.
Ang Presidente kag Chief Executive Officer sang More Power nga si Roel Castro ang nag present sang kaundan sang ila nga proposed JVA sa Ceneco sa atubang nanday Governor Eugenio Jose Lacson, Vice Governor Jeffrey Ferrer, pila ka mga katapo sang provincial board kasubong man pila ka mga alkalde kag lokal nga opisyales. Suno kay Lacson kag Ferrer ila nga ginasuportahan ang amo nga tikang labi na nga nakita nila ang bentaha sini sa mga konsumedor.
“What is advantageous to the consumer, amo na ang decision naton. With that presentation, kun i-compare ta sa subong sa services and then what is happening sa Ceneco, we know that. (You’ll support the joint venture?) I will”, suno kay Ferrer.
Kabahin sang salient points sa proposal suno kay Castro amo ang mas competitive nga presyo sa bili sang kuryente kun sa diin kabahin sa ila nga paga gamiton ang renewable energy lakip na ang mas estable nga supply sang kuryente.
Kabahin sa ila nga presentation amo ang ila nga nabuhat sa Iloilo kun sa diin sa nagligad nga tatlo ka tuig napanubo nila ang interruption frequency index ukon ang pagluntad sang brownout amo man ang systems loss.
“They know already how to bring down the frequency of interruption, how to bring down the systems loss, which if this happens will be to the advantage of the consumers. Yes, personally I believe in the management of More Power”, suno kay Lacson.
Kun matigayon gid man ang JVA nagahinyo sila sang bulig sang mga opisyales sa pag lobby sa kongreso bahin sa pagkuha sang bag-o sini nga franchise.
Kabahin sa proposal amo ang pag acquire nila sang 70 percent sa Ceneco.
Ginklaro niya nga franchise area sang Ceneco ang ila nga sudlon kag indi mismo ang kooperatiba gani yara na sa Ceneco ang desisyon kun sin-o ang iga-retire nga empleyado.
“We are not entering the cooperative. So who will retire them is not us. That’s Ceneco’s call”, suno kay Castro.
Pero bukas man sila sa pag batun sa maga apply balik sa ila.