Negros Occidental Governor Eugenio Jose Lacson kag 5th District Representative Emilio Dino Yulo ang nag bisita sa ginapatuman nga clearing operation sa Ibid Creek sa BiaknaBato sa banwa sang La Castellana kaina.
Nagapadayon sa karon ang clearing operation sang probinsya kag sang La Castellana LGU sa nag bara nga water ways sa amo nga lugar tuga sa mga volcanic materials.
Wala labot sang ocular inspection upod kay La Castellana Mayor Añejo Nicor, sila ang nagsapol man upod sa kay Forester Philip Lechoncito ang OIC Park Operations Superintendent sang Mt Kanlaon National Park.
Sa interview sang media kay Congressman Yulo, iya ginsiling nga indi ang kakulang sang heavy equipment sa lugar ang ila nga gina lantaw problema kundi ang mga nakuha nga mga volcanic material nga indi masaylo bangud sa kada pag ulan gina balik lamang ini sa lugar nga ginhawanan.
Suno kay Yulo magapadala sila sang report sa kay Evironment Sec Raphael Lotilla agudto matigayon na ang clearance nga gina pangayo nila para matugutan ang pag pa gwa sang mga nakutkot ukon naka clear nga volcanic materials sa MKNP. Sa idalom sang laye, bangud nasakop ini sang protected area wala gina tugutan ang pag pa gwa sini magluwas na lamang nga may special permit nga igahatag.
Voice of Rep Emilio Dino Yulo – 5th District, Neg Occ
“Sa subong ang problema indi ang heavy equipment. Isa sa mga mayor nga problema, mang scrape kita da. Pagkatapos mo scrape ipa higad mo lang siya kay indi siyama transport out of the Mt Kanlaon National Park. So ang naga katabo ang imo gin-scrape ang imo gin stock mabalik sa dalan, wherever ang nadalman dal-on na siya that adds up to the problem. The most viable solution is I dredge siya and then I transport out of the area para indi na siya magbalik anay”.