Mga local government units ang gina panugyanan ni Governor Eugenio Jose Lacson nga mag patuman sang mga tikang base sa gina pa gwa nga impormasyon angut sa update sa Bulkan Kanlaon.
Suno kay Governor Lacson, sa karon indi pa man kinahanglan ipatuman ang forced evacuation sa tunga sang na record nga increased volcanic-tectonic activity sang bulkan kasubong man ang pagsaka sang sulfur dioxide degassing.
Damlag pa suno sa iya ang four kilometer permanent danger zone ang napamutangan na sang demarcation kag signages agudto mapat-od na sang mga pumuluyo ang mga lugar nga gina dumilian.
Ang Department of Environment and Natural Resources naman sa idalom sang Office of the Protected area superintendent ang nag pa gwa man sang advisory sa mga LGU nga mag handa sang evacuation area para sa mga kasapatan.
Ang talatapan sang Community Environment and Natural Resources Office ang gina hinyo nga mag monitor kag mag coordinate sa mga mga Wildlife Permittees bahin sa status sang ila nga mga wildlife kag maghanda man sang area para sa wildlife rescue enkaso nga kinahanglan.
Ginasulit ni Dennis Pinosa ang MKNP PASU nga ang mga activities gina dumilian sa sulod sang 4 to 6 kilometer danger zone lakip na ang tanan nga eco-tourism sites sa sakop sang MKNP.
Suno kay Lacson dapat ang tanan maid-id nga mag monitor kag padayon nga mag laum nga mag kalma ang bulkan.
“We should be alarmed and we just continue to hope nga it will simmer down and really the local government units will have to make decisions based also on the information we are getting from Mt Kanlaon”, suno kay Lacson.