Probinsya ang nagalaum nga maka kuha man sang ASF Vaccines sa tion nga may yara na sang available nga bakuna para sa Region 6.
Suno kay Governor Eugenio Jose Lacson, sa karon gin-una anay ang Batangas para sa ASF vaccines.
Kun malakip ang Western Visayas sa ulihi nagalaum siya nga madala man sa allocation ang probinsya.
Kun mangin effective gid man, mahimo man nga ang Negros Occidental nga magbakal sang bakuna.
Kaina 724,000 pesos nga balor sang kasapatan ang ginpanagtag sang probinsya para sa mga farmer groups bilang kabahin sang bulig para maka recover ang yadtong naigo sang ASF.
Suno kay Dr Placeda Lemana ang Provincial Veterinarian, ang baka para sa cattle fattening, nagaserbe nga alternative livelihood sa ASF affected farmers, ang baboy naman kabahin sa swine recovery program.
Ang mga piso kag pato/pekin duck para sa livelihood program kag ang karnero naman para sa animal genetic improvement program.