Gobernador sang probinsya ang dismayado sa magamay nga kita sang organic farmers may kaangtanan sa kahiwatan sang Terra Madre Asia and Pacific 2025.
Sa 2.8 million pesos nga income sang organic farmers sa lima ka adlaw nga Negros Island Organic Farmers Festival, 6.5 percent lamang diri ukon P185,000 ang gikan sa Terra Madre event.
P10,000, P13,000, P14,000, P14,000 kag P133,000 pesos ang nangin kita sang mga organic farmers humalin day 1 tubtob day 5 sa Terra Madre event. Suno kay Governor Lacson sa 5th day na lamang nagsaka ang income matapos ang pagduso sang Office of the Provincial Agriculturist nga baklan ang mga organic farmers.
Disappointing suno kay Governor Lacson ang natabo bangud gindungan gani ang Negros Island Organic Farmers Festival sa Terra Madre hosting bangud luyag sang probinsya nga maka benipisyo ang mangunguma.
P6 million pesos ang pondo sang probinsya nga gin hatag para sa amo nga event.
Ginsiling naman sang Terra Madre Asia and Pacific 2025 organizers nga sa karon ila nga gina consolidate ang total volume sang mga nabakal.
Humalin sang sugod kag sa bilog nga lima ka adlaw nga kahiwatan, ang mga ingredients nga gin gamit ginbakal direkta sa mga organic farmers.
May ginbakal pa nga P100,000 nga balor sang organic vegetables ang Terra Madre para masiguro nga wala na sang ibalik pa nga produkto ang mga mangunguma.
Posible nga ang iban nga purchases sang ila nga mga team ang wala na attribute sa Terra Madre labi na nga ang ingredients gina bakal sa matag adlaw.
Luyag sang Terra Madre nga ma klaruhan ini nga bagay. Nagakaigo man nga ma review ang figures nga na submit sa Gobernador.
Nangin madinalag-on ang kahiwatan suno sa ila nga gindayaw sang local kag international community.*