Cloudseeding ang nagapabilin nga option para mabuligan ang pananum labi na ang tubo karon nga gina batyag na ang dry spell.
Ini suno kay Negros Occidental Governor Eugenio Jose Lacson kasunod sang panawagan man ni Negros Occidental 5th District Congressman Dino Yulo nga handaan ang cloudseeding agudto mapaiway ang epekto sang tuman nga tig-ilinit ukon dry spell sa sugarcane production.
Si Yulo ang nagpanawagan sa Department of Agriculture, Sugar Regulatory Administration kag provincial government agudto mapahagan-hagan ang halit sini sa agrikutlura. Suno kay Lacson, ang bisan ano nga pananom naga ka apektuhan ang production kun may yara sang dry spell.
Ginahaylo man ang pagtanom sang root crops ukon drought resistant nga mga pananum karon suno kay Lacson bilang alternative.
Panawagan man sang gobernador nga sa may mga maayo pa nga water sources ukon irigasyon indi pagtugutan mga mausikan ang tubig.
Ipasiguro nga wala sang wastage sa mga canals sang irigasyon.