Sa mga luyag magkadto sa ika-47 nga MassKara Festival sa Bacolod City, pwede na maka amat-amat book sang tickets kag hotels bangud ginpagwa na sang siudad ang schedule para sa tuigan nga kahiwatan.
Kaina sang aga, ginpahayag ni Mayor Greg Gasataya nga naplastar na sang siudad ang schedule kag mga activities sang ika-47 nga MassKara Festival sa Oktubre 1 tubtob 18.
Sa una nga semana sang Oktubre, pagahiwaton ang Pre-MassKara events kaangay sang mga parada, pagbukas sang mga kiosk, kag ang pre-pageant sang MassKara Queen 2026.
Sa amo man nga tion magasugod ang mga hinamapang para sa MassKaralympics
Sumugod Oktubre 9 tubtob 18, magasugod naman ang dalagko nga mga events kag sectoral events.
Suno sa alkalde, Oktubre 16 kag 17 ang tentative nga schedule para sa MassKara Street Dance and Arena Competition.
Magluwas sa Barangay Category, ginaduso sa gihapon sang alkalde nga padayunon ang school category bangud dako ang impact sini sang tinalikdan nga MassKara.
Desisyonan pa sa paalabuton sang Sanguniang Panlungsod kag ni Gasataya kun Gugma Foundation sa gihapon ang magapanguna sa sini nga MassKara.
Samtang may walo naman ka barangay ang natalana nga maga compete sa Chicken Inasal Festival nga patigayunon sa Mayo 29 tubtob 31.
[sibwp_form id=1]