Sa Good Vibes
Mga school chairs nga himo halin sa plastic nga basura gin-turnover sa LGU sang Murcia.
Sin-o bala magpensar nga ang ini nga mga pulungkuan ang himo sa sa mga plastic nga basura na kuntani.
Gin-turnover ini sang Subay Marketing kaupod ang ila nga partner nga amo ang Unilab Philippines sa lokal nga panguluhan sang Murcia.
Ang banwa abi ang naka kuha sang may pinaka mataas nga plastic turnover sa tanan nga mga LGU sa Negros Island Region. Gani bangud sang ginpakita nga dedikasyon sa waste reduction, recycling kag environmental sustainability ini ang nabaton nga premyo sang banwa.
Ginbaton ni Mayor Gerry Rojas ang 80 tanan ka mga upcycled chairs kag ihatag man ini sang banwa sa Balasyang Elementary School – Annex kag Tumpok Extension School sang Brgy. Blumentritt.
Pinaagi sa sini nga proyekto napa hagan-hagan na ang basura, nahimo pa ini sa mapuslanon nga bagay nga magamit sang mga estudyante sa pag eskwela.
[sibwp_form id=1]