Subong nga adlaw ginbuksan na ang fish landing center sa Bantayan Park sa Bago City nga ginpangunahan ni Mayor Mayette Javellana.
Ini ang ginakabig nga bagsakan sang preska nga isda. Ang pagsaka sang bili sang isda ang isa sa mga kabangdanan kun ngaa nabun-ag ang idea nga magbutang sang bagsakan sang isda sa Bantayan Park.
Suno sa kay Councilor Imelda Precion, ang chairman sang Committee on Markets and Slaughterhouses, pumuluyo ang maka benepisyo sa sini nga proyekto kay barato ang baligyaanay sang isda sa fish landing center.
Sarang na subong makabakal sang isda sa Bantayan Park. Kun sadto anay lugar para lalagawan sang pumuluyo ang Bantayan Park, subong sarang na makabakal diri sang preska kag barato nga mga isda.
[sibwp_form id=1]