Negros Occidental TLDC ang naga pasalamat sa tampad nga security guard nga nakakita kag nag-uli sang nawigit nila nga box nga naga unod sang mga bag.
Ginsiling ni Liberty “Libay” Alarcon ang Division Head sang Technology and Livelihood Development Center nga Lunes sang gab-i, maga set-up sila kuntani para sa trade fair sa Talisay City.
Pero, wala nila nalauman nga ang isa ka box nga naga unod sang mga bag nga para ibaligya sa amo nga trade fair ang nawigit.
Ila ini nga gin pa blotter kag gin-post bisan pa sa Facebook page.
Ang mga bag produkto sang mga micro, small and medium enterprise nga partners sang TLDC. 16 ka bag ang unod sini.
Pag ka aga naka baton sang message si Libay gikan kay Dindin Arnaiz nga isa ka security guard. Iya nakit-an ang box kag gilayon nga natigayon ang pag uli sini.
Wala man nakita sang guard ang post ukon panawagan, nalipay si Libay nga nagmato-mato contact sa ila ang guard para mabalik ang nakit-an nga box.
Para kay Libay nagapasalamat siya kag dalayawon ang pag katampad nga ginpakita ni Arnaiz.
“Nalipay gid kami kay at least na recover ang bag. Nakita niya didto gid sa atubangan sang ila nga office. Sa banago nga area. Sa over pass, before overpass. Imagina bala nga nag effort gid siya nga mag contact gid siya. Wala siya gani kakita sang post, nakita ya lang to ya ang mga numbers nga ara sa sulod”, suno kay Alarcon.
[sibwp_form id=1]