Isa ka first timer sa Palarong Pambansa nga Negrense naka set sang bag-o nga record.
Si Ashley Nicole Silvor ang 12 anyos pa lang nga parte sang Negros Island Region nga team.
Nag set siya sang bag-o nga record sa Palaro sa iya nga 1:00.09 nga time para sa Elementary Girls nga 400m run.
Sa post sang iloy ni Ashley proud siya kay handum lang kuntani ni Ashley nga makahampang sa palaro pero nag gold medal siya kag naka set pa sang bag-o nga record bisan pa nga wala pa siya mag isa ka tuig nga naga training.
Sa partial and official medal tally sa Palarong Pambansa 2026 as of 1:00pm subong nga Miyerkules, May 27, 2026, ika apat sa ranking ang Negros Island region nga may 6 ka gold, 4 a silver kag 2 ka bronze.
Una sa Ranking ang National Capital Region, gina sundan sang CALABARZON Region 4-A, kag rank 3 ang Western Visayas.
Tubtob pa sa Sabado ang hinampang.
[sibwp_form id=1]