Sa Good Vibes, Barangay Tangub nangin champion sa arena and Streetdance competition sa MassKara Festival 2025
Ginpakita sang Barangay Tangub MasssKara dancers kun paano nag evolve ang MassKara Festival pinaagi sa ila nga performance.
Sila ang nangin grand champion kag naghakot sang apat ka minor awards sang Domingo sa arena and streetdancing competition.
Sanday Joedem Casabuena kag Mark Philip Lamirez ang choreographers sang Tangub kag ang mask gin design ni Christopher John Puerta.
Nagbaton sila sang P1 million nga cash prize.
Nagbaton man sila sang P20,000 halin sa Dito Telecom kag Mang Inasal.
Nakuha man nila ang special awards nga Best in Mask and Costume, Best in Music, Best in Theme and Concept kag Most Disciplined Contingent.
Ang first runner-up naman amo ang Barangay Bata nga gin choreograph ni Ronelo Mabilog kag nagbaton naman sang P500,000, P10,000 halin sa Dito Telecom kag Best in Introduction.
Ang Barangay 29 naman nga gin choreograph ni Segundo Jesus “Panoy” Cabalcar, Jr nga amo man ang nag design sang mask kag costume ang nangin second runner-up.
Sila man ang nag champion sa community dance and merry making nga nagbaton sang P300,000.
May ginbaton man siya nga P5,000 halin sa Dito Telecom.