Gina abi-abi sang ginatos ka mga estudyante, manunudlo, government officials, parents kag supporters ang Abanse Negrense- Sagay City 12 under kag 14 under girls softball teams.
Isa ka city wide caravan ang ginpatigayon sa pag sug-alaw sa teams nga naghatag sang dungog sa Sagay City, sa Negros kag sa Pilipinas.
Isa ka recognition program ang ginpatigayon sa Sagay National High School kun sa diin naga hinugyaw ang mga supporters samtang naga sulod ang mga atleta preska pa halin sa ila nga kadalag-an sa McAllen, Texas, kag Hemet, California.
Doble ang international victory nga ginsaulog sang siudad, ang 14 under team nga nagdaog sa PONY International Softball World Series in McAllen, Texas, samtang ang 12 under team naman ang nagdaog sa PONY West Zone Girls Softball World Series sa Hemet, California.
Ang mga atleta nga gin welcome ang 14 ka mga junior high school students sang Sagay National High School kag 5 ka learners halin sa Jose B. Puey Sr. Elementary School kaupod ang ila coaches kag trainors.
Ang kompleto nga line up nagalakip sang players halin sa Bacolod kag United States nga naga intra sa Sagay-based teams para sa mga international competitions.
Ginpabugal ni Sagay City Mayor Leo Rafael “Bebo” Cueva ang kadalag-an sang mga kabataan kay ginpakita nila sa mga Sagaynon kun ano ang mahimo malab-otan sang training, displina kag suporta.
Nagbaton man sang cash incentives ang mga players halin sa city government.
Si Arabella Jito, Grade 9 student sang Sagay National High School, ang ginkilala bilang Most Valuable Player sang 14U PONY International Softball World Series.
Samtang sa 12U ginkilala naman si Mary Cris Blanco,bilang MVP sa iya division sa homecoming, nga naka record sang 39 strikeouts.
[sibwp_form id=1]